Thursday , October 22 2020
Breaking News
You are here: Home / Sports / RoS, Petron dodominahin ang kalaban

RoS, Petron dodominahin ang kalaban

KAPWA naghahangad na makaulit ang Rain or Shine at Petron Blaze sa magkahiwalay na kalaban sa PLDT myDSL PBA Philippine Cup mamaya sa Smart Araneta Coliseum sa Quezon City.

Magtutunggali ang Rain Or Shine at Meralco sa ganap na 5:45 pm samantalang maglalaban ang Petron Blaze at SanMig Coffee sa ganap na 8 pm.

Ginapi ng Elasto Painters ang Bolts,  94-89 noong Nobyembre 22 samantalang tinambakan ng Boosters ang Mixers, 91-78 noong Nobyembre 27.

Kung makakaulit ang Elasto Painters at Mixcers ay titingkad ang kanilang tsansang makakuha ng twice-to-beat advantage sa quarterfinals.

Kapwa may 5-7 karta naman ang San Mig Coffee at Meralco Bolts na galing sa back-to-back na panalo. Kung makakaganti sila sa kanilang katunggali ay makakapasok na sila sa quarterfinals.

Tinalo  ng Bolts ang Air 21 (98-88) at Alaska Milk 75-64). Tinalo naman ng Mixers ang Barangay Ginebra (83-79) at Air 21 (67-60).

Ang Rain or Shine ay pinangungunahan nina Gabe Norwood, Jeff Chan, Paul Lee, Ryan Arana at Beau Belga na kamakailan ay pinarangalan bilang  Accel-PBA Press Corps Player of the Week.

Makakatunggali nila sina Gary David, John Wilson, Jared Dillinger, Mike Cortez at two-time Most Valuable Player Danilo Ildefonso na kamakailan ay napapirma nila ng kontrata.

(SABRINA PASCUA)

About hataw tabloid

Leave a Reply

Your email address will not be published. Required fields are marked *

*

Scroll To Top