Sunday , January 24 2021
Breaking News
You are here: Home / Sports / Blackwater, Boracay hahabol sa Q’finals

Blackwater, Boracay hahabol sa Q’finals

PAGHABOL sa quarterfinals ang layunin ng Blackwater Sports at Boracay Rum na makakatunggali ng magkahiwalay na kalaban sa PBA D-League Aspirants Cup mamayang hapon sa Trinity University of Asia Gym sa Quezon City.

Makakasagupa ng Elite ang Derulo Accelero sa ganap na 4 pm matapos ang 2 pm na salpukan ng Waves at Jumbo Plastic.

Ang Blackwater Sports ay may 5-3 record at galing sa 102-81 panalo kontra Arellano University/Air21.

Bagama’t lubhang pinapaboran ang Elite kontra sa Oilers na may iisang panalo sa sampung laro ay ayaw ni coach Leo Isaac na magkumpiyansa ang kanyang mga bata.

Si Isaac ay sumasandig kina Kevin Ferrer, Gio Ciriacruz, Narciso Llagas at Allan Mangahas.

Ang Derulo Accelero, na hawak ni coach Paolo Mendoza, ay wala nang pag-asang makarating sa quarterfinals. Subalit nais ni Mendoza na  umangat ang performance ng kanyang mga bata dahil ngayon pa lang ay pinaghahandan na nila ang susunod na conference ng D-League.

Sa kartang 5-5, medyo manipis na ang tsansa ng Boracay Rum na umusad sa susunod na round. Pero  hindi naman sumusuko si coach Lawrence Chongson na nagsabing “We just want to win every game. Tignan natin kung hanggang saan kami aabot.”

Inaasahang didikdikin sila nang husto ng Jumbo Plastic na galing sa 89-70 kabiguan buhat sa defending champion NLEX Road Warriors noong Huwebes.   Iyon ang ikatlong pagkatalo ng Giants sa 11 games at dahil doon ay mahihirapan na silang makuha ang automatic semifinals berth.

Ang Jumbo Plastics ay pinamumunuan nina Elliot Tan,  Mark Romero, Jan Colina, Harold Arboleda at Justin Alano.

(SABRINA PASCUA)

About hataw tabloid

Leave a Reply

Your email address will not be published. Required fields are marked *

*

Scroll To Top