Friday , March 29 2024

Pasyente tumalon mula 5/f ng St. Lukes todas

010914_FRONT

ISANG lalaki ang tumalon mula sa hagdan sa pagitan ng ikalima at ikaanim na palapag ng Medical Arts Building sa St. Luke’s Medical Center sa Quezon City, Miyerkoles ng hapon.

Kinilala ni PO2 Lucy Paradero ng Quezon City Police District (QCPD) Station 11 ang biktima na si Jose Bordeos, Jr., 31-anyos at galing ng Masbate.

Nabatid na naghihintay ng orthopedic doctor si Bordeos para sa konsultasyon nang bigla na lamang itong tumalon at bumagsak sa ground floor ng gusali.

Agad naitakbo sa emergency room ng ospital ang lalaki pero binawian din ng buhay.

Ipapa-check up sana si Bordeos kasama ang kapatid nang maganap ang insidente.

Ayon sa kapatid ng biktima, dati na rin nagtangkang magpakamatay si Bordeos sa kanilang probinsya.

HATAW News Team

HOSTAGE-TAKER DUMAYB SA JUSTICE HALL

Tumalon mula ikaapat palapag ng Quezon City Hall of Justice ang naarestong suspek sa pangho-hostage ng kanyang mga kaanak sa Barangay Sta. Teresita sa naturang lungsod nitong Lunes.

Nakatakdang isalang sa inquest proceedings ang hostage taker na si Gerry Lo kahapon, nang bigla siyang tumalon na ikinabigla ng mga nakasaksi.

Bumagsak ang hostage-taker habang nakaposas, sa bubungan ng kantina na tumama sa babaeng tauhan ng Department of Public Order and Safety (DPOS) na si Elvira Guanzon na nananakit ngayon ang balakang.

Ani Assistant City Prosecutor Ramoncito Ocampo, walang malay si Lo na nakahiga sa stretcher sa emergency room ng East Avenue Medical Center (EAMC).

Aniya, natuloy ang inquest proceedings sa hostage taker sa loob mismo ng ospital na nahaharap sa mga kasong serious illegal detention, attempted homicide at frustrated parricide.

Matatandaang tatlo ang sugatan nang ini-hostage ng suspek ang kanyang mga kaanak noong Enero 6, kabilang ang ina at ampong sanggol ng kanyang kapatid.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Leave a Reply

Your email address will not be published. Required fields are marked *