Tuesday , December 1 2020
Breaking News
You are here: Home / Sports / Nasa ayre ang puwersa ng Ginebra

Nasa ayre ang puwersa ng Ginebra

TANGGAP na rin marahil ng mga dating Most Valuable Player awardees na sina mark Caguioa at Jayjay Heltebrand na hindi na sila ang main men ng Barangay Ginebra San Miguel sa kasalukuyang season ng Philippne Basketball Association.

Umikot na ang gulong at ang focal point ng Gin Kings ay ang twin tower combination nina Japhet Aguilar at Gregory Slaughter.

Hindi na nanggagaling sa backcourt ang opensa ng koponan. Hindi na primary offensive weapons sina Caguioa at Helterbrand bagama’t paminsan-minsan naman ay nakakapag-deliver pa rin sila.

Kumbaga’y tanggap na ng lahat na ang pangunahing sandata ng Gin Kings ngayon ay ang tangkad nila. Bukod kasi kina Aguiar at Slaughter ay nandiyan pa sina Jay-R Reyes at Billy Mamaril Nakaupo rin sa bench si Brian Faundo.

So may limang manlalaro ang Barangay Ginebra na ang height ay 6-5 pataas.

Idagdag pa rito ang high-leaper na si Chris Ellis na siyang riegning Slam Dunk champion at makikita na ng lahat na sa ayre talaga ang labanan kung Barangay Ginebra ang pag-uusapan.

Kaya naman talagang napakahirap makipagsabayan sa Gin Kings.

Biruin mong limang higante kaagad ang pag-iisipan mo nang husto!

E kina Aguilar at Slaughter lang ay sasakit na nga talaga ang ulo mo.

Kung tutuusin, napakadali sana ng trabaho ni coach Renato Agustin.

Para bang ibinigay sa kanya ang isang koponang nakatadhanamg hindi lang mag-kampeon kungdi makabuo ng Grand Slam.

Pero sa lahat ng mga coaches sa PBA, si Agustin ang tiyak na may masakit na ulo.

Kasi napakabigat ng challenge sa kanya.

Para bang walang karapatang matalo ang Barangay Ginebra.

Parang kapag natalo sila, matindi pa sa Yolanda ang dumapo sa bansa!

Sabrina Pascua

About hataw tabloid

Leave a Reply

Your email address will not be published. Required fields are marked *

*

Scroll To Top