Wednesday , September 30 2020
Breaking News
You are here: Home / Sports / Sino ang tatanghaling Juvenile Champion?

Sino ang tatanghaling Juvenile Champion?

Ito ang sasagutin ngayong araw sa pag-alagwa ng 2013 Philracom Juvenile Championship na gaganapin sa bakuran ng Metro Manila Turf Club, sa Malvar, Batangas.

Magsusukatan ng bilis at lakas ng hininga ang 14 na kalahok na 2 year old na mananakbong lokal sa 1,600 meter na karera mula sa matigas na pista ng MMTC.

Maglalaban-laban ang limang fillies at 9 na colts, na pangungunahan ng mga pinapaborang kalahok na Barcelona, Matang Tubig, Mabsoy, Mr Bond, Hello Patrick, Fairy Star, Kid Molave, High Grader, Kukurukuku Paloma, Skyway, The Lady Wins, Love Na Love  at Up and Away.

May nakalaang na premyong P1.5 milyon sa mananalo habang 562,500 sa segunda P312,500 sa 3rd placer at P125,000 sa 4th placer.

Inaasahan na hahatak ng benta ang Kid Molave ni Emmanuel Santos, Bacelona ni Maverick Leonardo T. Javier, Matang Tubig at  Mr. Bond ni Hermie Esguerra at Up and Away ni Ruben Dimacuha.

Magsisilbing kakampi naman ng Barcelona ang couple entry nito si Mabsoy, habang Love Na Love naman para kay Mr.Bond The Lady Wins para naman kay Hello Patrick.

Gayunman, Ang Kid Molave ay nakahanap ng kakampi kay Matang Tubig.

Inaasahan ang mahigpit na laban nina Barcelona at Kid Molave na  inaabangan  ng publikong karerista sa maganda at malamig na karerahan ng Malvar Race Track.

Asahan na mapupuno ang Ping-Ping  OTB sa A. Bonifacio, Barangay Paang Bundok, Quezon City, para tunghayan ang nasabing huling karera ng taon kasama si Chairman William Chua.  Malamig na beer at masarap na pulutan para sa karerista.

Ni andy yabot

About hataw tabloid

Leave a Reply

Your email address will not be published. Required fields are marked *

*

Scroll To Top