HATAW! D'yaryo ng Bayan hatawtabloid.com
PINAPABORAN ang Rain Or Shine na makaulit kontra SanMig Cffee sa kanilang rebanse sa PLDT myDSL PBA PHilippine Cup mamayang 5:15 pm sa Mall of Asia Arena sa Pasay City.
Halos parehas naman ang laban sa pagitan ng Globalport at Barako Bull sa unang laro sa ganap na 3 pm.
Naungusan ng Elasto Painters ang Mixers, 86-83 sa kanilang unang pagkikita noong Disyembre 6.
Ang Elasto Painters ay may 6-3 record at galing sa dalawang magkasunod na panalo. Ipinalasap nila sa Petron ang una nitong kabiguan, 99-95 noong Disyembre 23. Isinunod nila ang Barako Bull, 99-95 noong Biyernes.
Sa kabilang dako, napatid ang two-game winning streak ng SanMig Coffee nang itoy tambakan ng Aaska Milk, 88-75.
Laban sa Energy ay sumingasing nang husto si Jeff Chan na gumawa ng 34 puntos. Bukod kay Chan ay pambato ng Rain Or Shine sina Gabe Norwood, Jervy Cruz, JR Quinahan at Paul Lee.
Makakatunggali nila sina two-time Most Valuable Player James Yap, Peter June Smon, Joe deVance, Mark Barroca at rookie Ian Sangalang.
Hindi pa rin makapaglalaro sa Rain Or Shine si Beau Belga na mayroong tigdas. Sa kabilang dako, nananakit naman at namamaga ang tuhod ni Marc Pinris ng SanMig Coffee.
Matapos ang kauna-unahang three-game winning streak sa kasaysayan ng prangkisa, ang Globalport ay nakalasap ng magkasunod na kabiguan buhat sa SanMig Coffee 83-80) at Air 21 (109-103) para sa 4-5 karta.
Ngayo’y hawak ni coach Ritchie Tizon, ang Global Port ay pinamumunuan nina Solomon Mercado, Jay Washington and rookies Terrence Romeo at RR Garcia.
Ang Barako Bull ay nasa ikasiyam na puwesto sa kartang 3-7. Si coach Bong Ramos ay umaasa kina Willie Miller, Ronjay Buenafe, Rico Maierhofer, Dorian Pena at Mick Pennisi.
(SABRINA PASCUA)
