Monday , September 28 2020
Breaking News
You are here: Home / Sports / Pingris sisikaping makalaro ngayon

Pingris sisikaping makalaro ngayon

MALAKING dahilan ang pilay ni Marc Pingris sa pagkatalo ng San Mig Coffee kontra Alaska noong isang gabi sa PBA MyDSL Philippine Cup.

Namaga ang kanang tuhod ni Pingris kaya hindi siya naglaro at hindi nahirapan ang Aces na tambakan ang Coffee Mixers, 88-75.

“Namamaga yung tuhod ko, hindi ko alam saan galing. Nakita sa MRI may maga sa tuhod,” wika ni Pingris.

“Mas masakit yung nangyari ngayon kaysa sa tuhod ko. Ang hirap panoorin yung teammates mo na ganun. Mahirap umupo ng hindi ka nakakatulong. Sobrang nasasaktan na si Coach (Tim Cone) ngayon. Kailangan namin talagang makabawi.”

Hindi nag-ensayo si Pingris sa San Mig mula noong sumakit ang kanyang tuhod sa laro ng San Mig kontra Globalport.

Kahit masakit pa ang kanyang tuhod, idinagdag ni Pingris na sisikapin niyang makagalaw kahit kaunti sa laro ng Coffee Mixers kontra Rain or Shine mamaya.

(James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top