Friday , October 2 2020
Breaking News
You are here: Home / News / Ginang, 2 anak ini-hostage ng tomboy (Mister na OFW pinagsasaksak)

Ginang, 2 anak ini-hostage ng tomboy (Mister na OFW pinagsasaksak)

HALOS umabot ng isang oras ang pag-hostage ng 30-anyos  tomboy sa kinakasamang ginang at dalawang anak, matapos pagsasaksakin ang asawa ng biktima kamakalawa ng umaga sa bayan ng Pateros.

Ini-hostage ni Delia Enriquez, ng 44-G Sitio Pagkakaisa St., Barangay Sta. Ana, sina Jenelyn Rinego Dacuma, dalawang anak na sina Carl, 3-anyos, at Unix, 2-anyos, pero matapos ang 45-minutong negosasyon ay sumuko sa pulisya ang suspek.

Patuloy na inoobserbahan sa Rizal Medical Center ang mister ni Jenelyn, si Rodolfo Dacuma, 32, sanhi ng mga saksak sa katawan bunsod ng matinding selos ng suspek.

Ani Chief Insp. Boy Navia, hepe ng Intelligence Unit ng Pateros police, nagkaroon  ng relasyon si Jenelyn mahigit isang taon sa suspek habang nagtatrabaho sa Saudi Arabia ang asawang si Rodolfo.

Dumating si Rodolfo araw ng Pasko at muling nabuo ang pagsasama ng pamilya na labis na ipinagselos ng suspek .

Dahil dito, kinompronta ni Enriquez ang ginang dakong 8:30 ng umaga sa kanilang bahay sa 54 Sitio Pagkakaisa, Barangay Sta Ana.

Nakialam ang mister ni Jenelyn na ikinairita ng suspek kaya’t pinagsasaksak niya ang asawa ng ginang.

Naghihiyaw at humingi ng tulong ang ginang pero tinutukan siya ng patalim at kinaladkad papasok sa loob ng silid ng suspek, pati ang dalawa niyang anak saka ginawang hostage.

(JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top