Sunday , September 20 2020
Breaking News
You are here: Home / Showbiz / Balik-tanaw sa taong 2013 sa Gandang Ricky Reyes

Balik-tanaw sa taong 2013 sa Gandang Ricky Reyes

BILANG year-ender o pagsasara ng namamaalam na Taong 2013 ay pinili ni Mader Ricky Reyes ang mga magagandang episode ng  Gandang  Ricky Reyes, Todo Na Toh (GRR TNT) para ipalabas ngayong Sabado, 9:00 a.m. sa GMA News TV.

Tila rewind na itatanghal ang mga iba-ibang estilo ng damit at accessories sa mundo ng fashion. Ipakikita rin ang iba-ibang gupit at ayos ng buhok na kinahiligan ng mga lalaki’t babaeng Pinoy.

Siyempre, mayroon ding mga pampaganda, pampabata, at pampalusog  na sistemang teknikal. At ang mga ino-offer sa Gandang Ricky Reyes Salon na Magic Eyelash at pelukang gawa sa tunay na buhok ng tao.

Mapapanood din ang mga sikat na celebrities na nag-guest sa GRR TNT tulad ng GMA Primetime Queen na si Marian Rivera, ang mag-inang Maria Isabel at Mara Lopez, ang tinangkilik ng televiewers na tandem na TomDen nina Tom Rodriguez at Dennis Trillo. Pati na mga finalist ng Ms. Earth Philippines at ang nagwaging 2013 Miss Earth

Nagpapasalamat ang ScriptoVision, producer ng programa, sa patuloy ninyong pagtagkilik kasabay ang pangakong magbigay ng mga makabuluhang isyu tungkol sa kagandahan, kalusugan, at kaunlaran.

Mula kay Mader Ricky, “Manigong Bagong Taon Sa Lahat.”

About hataw tabloid

Leave a Reply

Your email address will not be published. Required fields are marked *

*

Scroll To Top