Wednesday , September 30 2020
Breaking News
You are here: Home / Showbiz / Angeline, tampok sa Wansapantaym

Angeline, tampok sa Wansapantaym

MAPAPANOOD si Angeline Quinto ngayong gabi sa Wansapanataym, ang tema ay pagpapatawad at patuloy na pagsusumikap para sa mas magandang buhay ang New Year’s resolutions na ibabahagi sa TV viewers.

Gagampanan ni Angeline sa Ang Bagong Kampeon sa Bagong Taon episode ang karakter ni Melody, isang dalagang nabigong maging sikat na singer dahil sa paninira ng iba.

Paano maaalis ni Melody ang galit sa kanyang puso upang tuluyan nang mapatawad ang mga nakasakit sa kanya? Magiging lubusan ba siyang masaya sa bagong buhay niyang nabuo sa tulong ng isang mahiwagang imahe?

Makakasama ni Angeline sa Ang Bagong Kampeon sa Bagong Taon episode sina Dianne Medina, Liezel Garcia, Jeffrey Hidalgo, Amy Nobleza, Marlan Flores, at Kyline Alcantara mula sa panulat ni Cris Lim at direksiyon ni Trina Dayrit.

***

KUWENTO ng bagong buhay at pagbangon ang ihahatid ng The Bottomline With Boy Abunda ngayong gabi (Disyembre 28) sa year-end special nito tampok si Rodelio ‘Dondon’ Lanuza, ang overseas Filipino worker (OFW) na nahatulan ng parusang bitay sa Saudi Arabia.

Tuklasin sa Bottomline ang mga pinagdaanan ni Dondon mula sa pagpaslang niya sa isang Saudi national na umano’y pinagtangkaan siyang gahasain, hanggang sa pag-iipon ng kanyang pamilya ng P35-M  ‘blood money’ na naging kapalit ng kanyang kalayaan.

Paano nalampasan ni Dondon ang lahat ng pagsubok sa kulungan sa loob ng 13 taon? Hindi ba niya naisipang isuko ang buhay at tanggapin na lamang ang parusang inihatol sa kanya?

Makialam sa mga usaping panlipunan at huwag palampasin ang 2013 CMMA Best Talk Show at PMPC Best Public Affairs Program na The Bottomline With Boy Abunda ngayong Sabado ng gabi, pagkatapos ng Banana Split. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.

Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top