HATAW! D'yaryo ng Bayan hatawtabloid.com
DAHIL sa magandang laro ni Japeth Aguilar para sa Barangay Ginebra San Miguel, malaki ang posibilidad na babalik sa Pilipinas ang kanyang mga magulang sa susunod na taon.
Ibinunyag ng ama ni Japeth na si Peter Aguilar na nais ni Japeth na pauwiin na silang dalawa ng kanyang ina at magbitiw na sa kani-kanilang mga trabaho.
Nasa Chicago si Peter bilang manggagawa sa isang pabrika habang caregiver naman ang kanyang asawa.
“Eh medyo malamig rin dito, alam mo na. Pag nagkakaedad ka eh, hirap ka na sa ganun. ‘Yun din ang laging pinapaalala sa amin ni Japeth … kaya niya kami kinukulit.”
Sa ngayon ay kasama ni Japeth ang kanyang kapatid na si Maika sa isang condo unit sa Taguig.
Noong araw ng Pasko ay humataw si Aguilar ng 25 puntos, 11 rebounds at dalawang supalpal sa 97-83 panalo ng Ginebra kontra Petron.
(James Ty III)
