Thursday , March 28 2024

Jokes sa Kimmy Dora: Kyemeng Prequel, pang-AB crowd

SA ginanap na special screening ng Kimmy Dora: Ang Kyemeng Prequel noong Lunes sa Glorietta Cinema 4, isa si Direk Wenn Deramas sa invited guest ni Eugene Domingo kasama ang ex-boyfriend niyang direktor din na si Andoy Ranay.

Tawa ng tawa ang dalawang direktor habang nanonood kaya tiyak na nagandahan sila.

Tinext namin si direk Wenn kung ano ang masasabi niya sa Kimmy Dora: Ang Kyemeng Prequel.

“Maganda, malinis, buo, mahusay si Uge (Eugene Domingo), siya dapat ang Best Actress!” sabi sa amin.

Magaling naman talaga si Uge kaya nga tinawag na siyang The Global Actress dahil ilang Best Actress awards na ang napanalunan niya sa iba’t ibang international film festival.

Nagustuhan namin ang opening ng pelikula na mala-James Bond at Quentin Tarantino (movies) ang dating at tunog dahil may mga sumasayaw-sayaw din sa background at saka ipakikita ang mga bida.

Hindi nakatatawa ang kabuuan ng pelikula, pero maraming beses ka namang matatawa at may mga eksenang matatandaan ka paglabas mo ng sinehan, hindi katulad ng ibang pelikulang napanood namin na magtatanong kami sa kasama namin ng, ”ano pa ang katanda-tandang punch line sa napanood natin?”

Walang dudang guwapo talaga ni Sam Milby sa pelikula at pero robotic pala ang papel niya kaya matigas at walang acting. Kaya pala enjoy na enjoy ang aktor sa action dahil wala siyang ginawa kundi ipakita ang skills niya sa pakikipagtunggali.

Malayo ang aktor sa naging leading men ng Kimmy Dora na sina Zanjoe Marudo at Dingdong Dantes na nakatatawa at ito ang hinahanap ng tao na hindi lang kina Kimmy at Dora sila matatawa.

Bilang lang ang mga bonggang damit na ginamit nina Dora at Kimmy dahil prequel nga naman ito, kaya pati ang yayang si Moi Bien ay mukhang lumang tao rin.

Okay naman ang Kimmy Dora:  Kyemeng Prequel at ang target audience nito ay AB crowd at mangilan-ilang C dahil hindi mage-gets kaagad ni Aling Tasing sa kanto ang mga joke rito.

Ayon sa mga sumubaybay ng Kimmy Dora franchise, ”AB crowd talaga ang nakaka-aprreciate ng jokes ni Uge, hindi naman siya pang-masa at si direk Chris (Martinez), ito talaga ang crowd niya.”

Nanood din ng special screening sina Enchong Dee, Yeng Constantino kasama ang non-showbiz boyfriend na naka-bull cap, Pokwang, Slater Young, at Rachelle Ann Go.

Dumating din ang ang mommy at daddy ni Sam na umuwi ng Pilipinas galing Ohio, USA para makasama siya ngayong Holiday Season.

Reggee Bonoan

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *