Thursday , September 24 2020
Breaking News
You are here: Home / Sports / Maganda ang 2013 sa La Salle — Sauler

Maganda ang 2013 sa La Salle — Sauler

NAGING maganda ang pagtatapos ng 2013 para sa De La Salle University dahil muli itong naghari sa Philippine Collegiate Champions League.

Winalis ng Green Archers ang finals ng liga kalaban ang Southwestern University ng Cebu sa pamamagitan ng 70-61 panalo sa Game 2 noong isang araw sa The Arena sa San Juan.

Pinangunahan ni Jeron Teng ang atake ng La Salle sa dalawang laro ng finals kung saan ginantihan nila ang kanilang pagkatalo sa Cobras sa overtime sa Final Four.

“It’s a great year for us,” wika ni Archers coach Juno Sauler. “Hopefully these learnings and experience will carry us through next year.”

Bago nito, nagkampeon ang La Salle sa UAAP Season 76 kontra University of Santo Tomas para sa una nitong korona sa liga mula pa noong 2007.

Napili si Sauler bilang UAAP Coach of the Year samantalang nakuha ni Teng ang parangal bilang College Player of the Year mula sa UAAP Press Corps.

Idinagdag ni Sauler na lalong pupursigihin niya ang kanyang mga bata para muling maghari ang La Salle sa susunod na taon.

“We still have to learn more,” ani Sauler. “Things happened today that we could’ve avoided. Still shows some lack of maturity from our players.”

Samantala, inamin ng head coach ng SWU na si Raul Alcoseba na maraming bigas pa ang kailangang kainin ng Cobras kontra sa mga magagaling na pamantasan sa Maynila.

“The Manila teams play with the composure, the shot selection, very disciplined. That we have to learn,” pahayag ni Alcoseba.

“They have a better program than us. A UAAP team is better than a Cesafi team, obviously.”

(James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top