Wednesday , September 30 2020
Breaking News
You are here: Home / News / 2 tanod itinumba, suspek utas din

2 tanod itinumba, suspek utas din

PATAY ang dalawang barangay tanod makaraan pagbabarilin sa Calatrava, Negros Occidental kamakalawa ng gabi.

Ayon sa testigong si Crisanto Suerto, Jr., barangay tanod, binaril ng lalaking nakasuot ng bonnet ang mga biktimang sina Ludovico Lusaria at Hilarion Quezon sa harap ng plaza ng Brgy. Lagaan dakong 9 p.m.

Ang dalawang biktimang kapwa mula sa Brgy. Anie, ay agad binawian ng buhay bunsod ng dami ng tama ng bala sa kanilang katawan.

Sinabi ni Suerto, bago ang insidente, nakita niya ang mga biktima habang nakikipagtalo sa suspek.

Makaraan ang insidente, mabilis na tumakas ang suspek na kinilalang si Eleazar Espadilla, lulan ng motorsiklo. Ngunit kalaunan ay binaril at napatay din siya ng hindi nakilalang lalaki.

Ayon sa mga imbestigador, posibleng paghihiganti ang motibo sa pamamaril. Sina Lusaria at Quezon ay sinasabing tumulong sa mga pulis para matunton si Espadilla na tinutugis sa kasong murder.

About hataw tabloid

Leave a Reply

Your email address will not be published. Required fields are marked *

*

Scroll To Top