Tuesday , September 29 2020
Breaking News
You are here: Home / News / 2 patay, 5 sugatan sa bus vs motorsiklo

2 patay, 5 sugatan sa bus vs motorsiklo

CAGAYAN DE ORO CITY – Nananatili sa kustodiya ng PNP ang driver ng bus ng Rural Transit Mindanao Incorporated (RTMI) na bumangga sa isang motorsiklo sa Brgy. Tatay, El Salvador City, Misamis Oriental kamakalawa ng gabi na ikinamatay ng dalawa katao at lima ang sugatan.

Kinilala ang mga namatay sa insidente na sina Elizabeth Roa, guro ng El Salvador College, at Emilda Malana, residente ng Brgy. Sinalok, El Salvador City.

Kabilang sa limang sugatan ang driver ng motorsiklo na si Gilbert Salvo, residente ng Brgy. Carmen.

Ayon sa pulisya sa limang sugatan, tatlo rito ang nasa kritikal na kondisyon habang si Salvo ay kasalukuyang ginagamot sa Northern Mindanao Medical Center.

Sa inisyal na imbestigasyon, mabilis ang takbo ng RTMI bus nang banggain ang likurang bahagi ng motorsiklo.

Agad sumuko sa pulisya ang driver ng RTMI bus.

About hataw tabloid

Leave a Reply

Your email address will not be published. Required fields are marked *

*

Scroll To Top