Tuesday , September 29 2020
Breaking News
You are here: Home / Sports / Castro numero uno sa puntos

Castro numero uno sa puntos

NANGUNGUNA ngayon ang off guard ng Talk ‘n Text na si Jason Castro sa scoring samantalang si Junmar Fajardo ang lamang sa rebounding, ayon sa pinakabagong mga statistics na na-release ng PBA kahapon.

Naga-average ngayon si Castro ng 21.4 puntos bawat laro samantalang kasunod sa kanya si Jay Washington ng Globalport na may 19.7 puntos bawat laro.

Bukod dito, sina Washington, Junmar Fajardo ng Petron at Greg Slaughter ng Barangay Ginebra ay ang tanging mga manlalaro na nag-a-average ng double double ngayong MyDSL Philippine Cup.

Naga-average si Washington ng 10.1 rebounds bawat laro samantalang nangunguna si Fajardo sa liga sa kanyang 17.4 rebounds bawat laro, bukod sa kanyang 14.6 puntos na average.

Dahil sa solidong laro nina Fajardo at Washington, nangunguna sa team standings ang Petron sa kanilang pitong sunod na panalo habang nagtala ang Globalport ng tatlong sunod na tagumpay upang umakyat sa 4-3 na marka.

Si Slaughter naman ay may averages na 13.8 puntos at 11.2 rebounds para sa Kings na may 5-1 panalo-talo sa torneo.

Samantala, napili ng PBA Press Corps si Alex Cabagnot ng Petron bilang Player of the Week para sa  linggong Disyembre 9 hanggang 15 dahil sa malaki niyang papel sa mga panalo ng Boosters kontra Air21 at Meralco.

Nag-a-average ngayon si Cabagnot ng 13.5 puntos, 5.5 rebounds at 6.5 assists.     (James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top