Sunday , September 27 2020
Breaking News
You are here: Home / Showbiz / Paghahanda sa Kapaskuhan ng GRR

Paghahanda sa Kapaskuhan ng GRR

ILANG tulog na lang at Pasko na.  Siyempre, abala na ang mga tao sa pagdiriwang sa pagsilang ng katangi-tanging sanggol sa isang sabsaban sa Jerusalem.

Kahit ano ang estado ng buhay ang mga masayahin at Katolikong Pinoy ay itatabi muna ang problema at magdaraos ng isang kukuti-kutitap at makulay na okasyon kapiling ang mga mahal sa buhay.

Sa Gandang Ricky Reyes Todo Na Toh (GRR TNT) ngayong Sabado, 9:00 a.m. ay itatampok  ang iba-ibang pakulo na naimbento ng mga Pinoy para sa dekorasyon sa Pasko, Bagong Taon, at Pista ng Tatlong Hari.

Ipakikita rin ni Mader Ricky Reyes ang mga kakaiba at masasarap na pagkaing natitikman lang pag may Simbang Gabi.  Ano-ano nga ba ang mga ito?

Tinutukan naman ng mga tauhan ng GRR TNT ang bazaar ng mga celebrity na ang kinita’y inilaan sa mga biktima ng bagyong Yolanda sa Bisaya.

‘Di man mala-pista ang ihahain sa Noche Buena at Media Noche, patutunayan ni Mader na masarap magsalo ang pamilya kapag may magaganda at sariwang prutas at bulaklak na nasa sentro ng hapag-kainan o “centerpiece” na madaling gawin.

“Puwede rin itong pagkakitaan,” sey ng host-producer.

Sisimulan na ang reality contest na Mr. and Ms. Sogo  Ambassador para sa pagliligtas ng ating kapaligiran. Joint venture ito ng Sogo Hotels at Gandang Ricky Reyes Salon.

Huwag kaligtaang manood ng programang prodyus ng ScriptoVision na makakasama n’yo sa paghahanda sa isang Paskong Pinoy.

Alex Brosas

About hataw tabloid

Leave a Reply

Your email address will not be published. Required fields are marked *

*

Scroll To Top