Sunday , November 29 2020
Breaking News
You are here: Home / News / Melanie Marquez nahulog sa bangin sa Utah

Melanie Marquez nahulog sa bangin sa Utah

UTAH – Nagpapagaling na si dating beauty queen Melanie Marquez makaraang aksidenteng mahulog ang kanyang SUV sa 12 talampakang lalim ng bangin malapit sa Utah – Arizona border noong Disyembre 7.

Habang nagmamaneho mula sa Las Vegas pauwi sa kanilang bahay sa Annabella, Utah, si Marquez ay may nasaging bloke ng yelo at nadulas ang kotse palayo sa highway dakong 5:30 p.m.

Si Marquez at tatlong iba pa, kabilang ang 12-anyos niyang anak na si Adam, ay isinugod sa isang ospital sa St. George, Utah, dalawang oras makaraan ang insidente.

Si Marquez ay dumanas ng bali sa gulugod gayondin sa sternum, habang ang kanyang anak ay mga sugat at gasgas lamang.

Makaraan ang insidente, sa kabila ng kanyang pinsala, gumapang si Marquez palabas ng sasakyan at umakyat patungo sa lugar kung saan siya makahihingi ng tulong – bagay na ikinonsidera niya bilang milagro.

“Climbing that hill, it was a miracle,” aniya. “I just felt someone carry me so I could walk.”

Sinabi pa ni Marquez na kailangan magsuot ng brace sa loob ng tatlong buwan, pagaling na siya at inaasahang makalalabas na ng ospital.

Plano niyang magpagaling kasama ang pamilya sa Salina, Utah.

About hataw tabloid

Leave a Reply

Your email address will not be published. Required fields are marked *

*

Scroll To Top