Tuesday , September 29 2020
Breaking News
You are here: Home / Sports / La Salle, SWU handa sa finals ng PCCL

La Salle, SWU handa sa finals ng PCCL

MAGSISIMULA sa Lunes, Disyembre 16, ang best-of-three finals ng Philippine Collegiate Champions League na paglalabanan ng De La Salle University at Southwestern University ng Cebu.

Gagawin ang buong serye ng finals sa The Arena sa San Juan at mapapanood ang laban nang live sa Studio 23 simula alas-4 ng hapon.

Tinalo ng Cobras ang Far Eastern University, 86-71 samantalang nalusutan ng Archers ang San Beda College, 64-60, sa huling araw ng Final Four noong Huwebes.

“We’re proud to represent not only Southwestern, but the whole of Visayas and Mindanao,” wika ni Cobras coach Yayoy Alcoseba na sisikaping maging unang coach mula sa Visayas na manalo ng titulo sa PCCL.

Nakapasok sa finals ang University of Visayas na pinangunahan ni Greg Slaughter noong 2007 ngunit natalo ang Lancers sa Ateneo.

Sisikapin naman ng La Salle na makuha ang ikalawang kampeonato sa PCCL pagkatapos na naghari sila noong 2008.

Gagawin ang Game 2 sa Martes at kung may Game 3, sa Huwebes ito lalaruin.        (James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top