Tuesday , September 22 2020
Breaking News
You are here: Home / News / Anak ni mayor pinagsayaw sa bala ng parak

Anak ni mayor pinagsayaw sa bala ng parak

KALABOSO ang 27-anyos rookie police ng Montalban na nagpa-convert bilang Muslim ngunit napraning, dahil isang linggong hindi kumain, makaraang pasayawin sa bala ang anak ng alkalde ng Rodriguez, Rizal.

Kinilala ni Supt. Samuel Delorino, hepe ng Rodriguez Police, ang suspek na si PO1 Roderick Enrique y Cesesta, nakatalaga sa Rodriguez Police Station, nakatira sa Sitio Saba, Brgy. San Jose ng nabanggit na bayan.

Pormal na nagreklamo laban sa suspek ang biktimang si Patrick Hernandez, 26, anak ni Rodriguez Mayor Cecilio Hernandez at nakatira sa #523 Ayuson St., Sitio Saba, ‘di kalayuan sa bahay ng akusado.

Sa imbestigasyon ng pulisya, dakong 12:30 p.m. kamakalawa nang mangyari ang insidente sa Ayuson St., Sitio Saba matapos akusahan ng suspek ang ilang kalalakihan na naglalaro ng ilegal na cara y cruz.

Agad nagtakbohan ang mga lalaki ngunit hinuli ng suspek ang biktima na noon ay napadaan lamang.

Bunsod nito, nagkaroon ng manitang pagtatalo ang biktima at ang suspek hanggang bumunot ng baril ang pulis at dalawang ulit na binaril sa tabi ng paa si Hernandez saka pinagbantaang papatayin.

Makaraan ang insidente ay humingi ng tulong ang biktima sa opisyal ng pulisya na nagresulta sa pagkakadakip ng suspek.     (ED MORENO)

About hataw tabloid

Leave a Reply

Your email address will not be published. Required fields are marked *

*

Scroll To Top