Friday , October 2 2020
Breaking News
You are here: Home / News / 2 totoy nalunod sa septic tank

2 totoy nalunod sa septic tank

NALUNOD ang dalawang totoy matapos maglaro at lumangoy sa isang septic tank, kamakalawa ng gabi, sa Pasay City.

Nadala pa sa Home Care Clinic sa Merville, Parañaque ang mga biktimang sina Jerome Berja, 12, at Ricky Laurente, 9, ng Barangay Pag-asa 2, pero hindi na umabot ng buhay.

Sa imbestigasyon ni SPO1 Ariel Inciong, ng Station Investigation and Detective Management Section (SIDMS), naganap ang insidente sa isang bakanteng lote na naroon ang septic tank,  na pag-aari ng Manila International Airport Authority (MIAA) sa Merville Road, Pasay City.

Sa pahayag ng testigong si Ryan, 13, ng Sitio Wella, niyaya siya ng dalawang biktima na maglaro at maligo sa septic tank dakong 5:00 ng hapon.

Makalipas ang isang oras, paahon na siya nang makita niya ang dalawa na parang hirap at unti-unting lumulubog.

Muli siyang lumusong upang sagipin ang dalawa pero hindi  niya nagawa  kaya’t agad siyang humingi ng tulong sa kanilang mga kapitbahay.

Dali-daling nagresponde ang mga kalalakihan at naiahon ang dalawang biktima pero hindi na naisalba ang kanilang buhay. (JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top