Monday , September 21 2020
Breaking News
You are here: Home / News / P2 fare hike hirit ng transport groups

P2 fare hike hirit ng transport groups

PLANONG maghain ng petisyon ngayong linggo ang ilang transport groups para hilingin sa Land Transportation Franchising and Regulatory Board (LTFRB) ang dagdag-singil sa pasahe, sa gitna nang panibagong oil price hike.

Ayon sa grupo, target nila ang karagdagang P2.00 sa kasalukuyang minimum fare na P8.00.

Sinabi ni Efren de Luna, pangulo ng Alliance of Concerned Transport Organizations (ACTO), ang panibagong petisyon ay hiwalay pa sa P0.50 provisional fare increase na nauna nilang hirit sa LTFRB.

Ngayong linggo rin ikinakasa ng ilang militant transport group ang isang kilos protesta laban sa sunod-sunod na pagtaas sa presyo ng mga produktong petrolyo.

Una nang nagpatupad ng P1.35 kada litrong pagtaas sa diesel at P0.35 sa gasolina ang mga kompanyang Petron, Shell, Phoenix Petroleum at PTT Philippines.

Bukod dito, may P1.20 kada litro pang umento ang Petron at Shell sa kerosene.

Ayon naman kay LTFRB chairman Winston Ginez, tiniyak niya sa publiko na walang manmgyayaring fare increase hanggang sa katapusan ng taon dahil kapos na sila panahon sa pagtalakay sa nakabinbing mga petisyon.                (HNT)

About hataw tabloid

Leave a Reply

Your email address will not be published. Required fields are marked *

*

Scroll To Top