Saturday , September 26 2020
Breaking News
You are here: Home / Sports / Dipektibong starting gate dapat busisiin ng PHILRACOM

Dipektibong starting gate dapat busisiin ng PHILRACOM

LIGTAS pa ba ang mga kabayong pangarera sa tatlong karerahan kung ang mga ito’y gumagamit ng mga dipektibong starting gate?

Ito ang dapat busisiin  ng Philippine Racing Commissioner (Philracom) sa isinasagawang imbestigasyon sa  Manila Jockey Club Inc. (MJCI) kaugnay sa reklamong inihain ng kampo ni Mandaluyong City Mayor Benjamin “Benhur” Abalos matapos madisgrasyang matalisod ang super horse na si Hagdang Bato na naging dahilan ng pagkakatalo nito sa nakaraang PCSO Presidential Gold Cup sa San Lazaro Liesure Park, Carmona,  Cavite noong Disyembre 1.

Panahon na para  uriratin ng Philracom sa tatlong racing club kung  gaano na katanda ang  kanilang mga ginagamit na starting gate at kung gaano ito kaligtas para a mga kabayo lalo na sa mga hinete.

Magsilbing eye opener sana ang nangyari kay Hagdang Bato na nagpapatunay na mga dipektibo  ang starting gate  ng  Manila Jockey Club o ang San Lazaro Leisure Park.

Sana naman may patutunguhan ang gagawing imbestigasyon ng komisyon sa pangunguna nina Chairman Angel Castaño Jr. at Racing Executive Director Commissioner Jesus Cantos, gaya nang pagkakaroon ng bagong starting gate ng mga racing club matapos ang naganap kay hagdang bato.

Habang isinusulat ko ang pitak na ito ay kasalukuyang nagaganap ang imbestigasyon ng Philracom.

Kabilang sa dumalo si Mayor Abalos.

Na may bitbit na larawan at video kung paano nangyari sa kanyang super horse sa isang pinakamalaking pakarera sa bansa.

Sana naman hindi na maulit ang nangyari  kay Hagdang Bato  sa iba pang mananakbo na ang  lahat ay isinisisi  sa dipektibong starting gate.

Ni andy yabot

About hataw tabloid

Leave a Reply

Your email address will not be published. Required fields are marked *

*

Scroll To Top