Wednesday , September 30 2020
Breaking News
You are here: Home / Bulabugin / Nasaan na ang Manila Bay sunset view sa Roxas Blvd!?

Nasaan na ang Manila Bay sunset view sa Roxas Blvd!?

00 Bulabugin JSY
AYON sa isang kaibigan natin, dati raw, aliw na aliw siyang magdaan sa Roxas Blvd., dahil natatanaw niya ang Manila Bay sunset view.

Pero nitong mga nagdaang araw, nagulat siya nang nakita niyang napuno na rin ng TENT ang ROXAS BOULEVARD (baywalk) dahil ginawang TIANGGEHAN ng mga ‘BATA’ ni ERAP.

Mula sa Divisoria, hanggang sa Bonifacio Shrine at ngayon hanggang sa Roxas Blvd., ay pinuno na ng ‘TENT’ na ginawang tindahan, inuman, kainan at kung ano-ano pang negosyo na ang mga pasimuno ay nagpapakilalang mga bright boys ni Erap.

Aba e baka maging tent city na ang Maynila n’yan!?

Hindi ba’t ang dami na ngang nagrereklamo sa ‘kabastusang’ ginawa ng TIANGGE GROUP na ‘yan sa BONIFACIO SHRINE?!

Ngayon naman ay ‘yung ROXAS BLVD., ang binababoy.

Nagtayo ng mga instant ‘comfort room’ na alam naman nating walang septic tank kaya t’yak na mamamantot at mamamanghi ang Roxas Blvd.

Binastos na si BONIFACIO, binastos pa si Roxas.

Nilinis na ni Mayor Fred Lim ‘yang Roxas Blvd. noon, ‘di ba, ngayon naisipan na namang ibalik ng mga walang maisip kundi pagkakaperahan.

Mukhang ‘yan lang ang nasa isip ng mga bata ni Erap, kung paano magkakapera habang nakaupo ang PATRON nila.

Kung ganyan nang ganyan kayo, anong ‘LEGACY’ ang iiwanan ng amo ninyo?

Tsk tsk tsk …

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

About hataw tabloid

Leave a Reply

Your email address will not be published. Required fields are marked *

*

Scroll To Top