Monday , September 28 2020
Breaking News
You are here: Home / News / 3 Kano, Indian nat’l, tiklo sa health card fraud

3 Kano, Indian nat’l, tiklo sa health card fraud

Arestado ang tatlong Kano, Indian national at 69 Pinoy, matapos salakayin ng  PNP Anti-Cyber Crime Group ang kanilang kompanya dahil sa health card fraud sa Mandaluyong City.

Nakompiska sa pag-iingat ng mga suspek ang mga  computer servers, telephones, computers, routers, laptops, VOIP jones, printer, LCD monitors at bulto-bultong dokumento.

Ang pagsalakay sa Pantheon Concepts HLK Company, nasa Worldwide Corporate Center, Shaw Boulevard, ay sa bisa ng search warrant na inilabas ni Hon. Judge Lyliha Bella-Aquino ng Manila Regional Trial Court Branch 24.

Kinilala ang tatlong Kano na sina Herber Kimble, Sergio Cevile, at  Wasil Ahmed, habang ang Indian  ay si  Sham Negi.

Ayon sa pulisya, dating empleyado ng kompanya na nagsampa ng kasong illegal dismissal sa National Labor Commission (NLRC) ang nagsumbong sa kanilang tanggapan kaugnay sa ilegal na operasyon ng nasabing kompanya.

Matapos  makompirma ang sumbong, kaagad  nag-aaply ng SW ang pulisya na agad  ikina-aresto ng mga suspek.

Ang modus operandi ng mga suspek ay nagpapanggap na mayroon silang basbas mula sa US government para  mag- operate at magbenta ng mga health cards.

Kamakailan, nagbabala ang US Inspector General, Department of Health and Human Services sa  Washington, DC, sa ginagawang panloloko gamit ang mga health cards sa sakit na diabetes.

(MIKKO BAYLON)

About hataw tabloid

Leave a Reply

Your email address will not be published. Required fields are marked *

*

Scroll To Top