Saturday , September 26 2020
Breaking News
You are here: Home / News / Nangulila kay mister misis tigok sa silver cleaner

Nangulila kay mister misis tigok sa silver cleaner

HINIHINALANG nangulila kay mister ang dahilan kung bakit nag-suicide ang 42-anyos na ginang sa pamamagitan ng pag-inom ng silver cleaner kamakalawa ng madaling araw sa Pasay City.

Patay na nang idating sa Pasay City General Hospital si Shiela Alipungan, ng  562 M. Dela Cruz St.

Sa imbestigasyon ni SPO1 Cris Gabutin ng Investigation and Detective Management Section,  dakong 9:00 p.m. nitong Sabado, bago ang pagpapatiwakal,  may inuman sa  kanilang bahay ang kapatid ng biktima na si Jennilyn Alvarez, 33, kasama ang mga barkadang sina Sonny Boy Foring, 33, at Dennes Españo, 23.

Umupo pa umano sa grupo ang biktima, hindi upang makipag-inuman kundi nagpakuha ng larawan, kasama ang kapatid at barkada. Nang matapos ang inuman dakong 2:30 ng madaling araw, pumasok sa kanilang silid si Jennilyn at nagulat siya nang makita ang kapatid na nakabulagta at walang malay, hawak  ang isang bote ng silver cleaner.

Ayon kay Jennilyn, matagal nang planong magpatiwakal ng kanyang kapatid mula nang iwanan ng asawang si Gelo Alipungan na nanirahan na sa Roxas City, tatlong taon na ang nakararaan.  Walang makita ang pulisya na palatandaan na may naganap na karahasan sa pagkamatay ng biktima at wala rin bakas ng sugat o pasa sa katawan ang bangkay.

(JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top