Friday , March 29 2024

Kristine, gaganap na Dyesebel (Bagay pa ba o masyonda na?)

TRULILI kaya na si Kristine Hermosa ang gaganap sa Dyesebel?

Aksidenteng narinig naming pinag-uusapan ng ilang taga-production sa isang restaurant sa Quezon City na ang Dyesebel daw ang comeback TV project ni Kristine na ilang taon na ring hindi aktibo sa showbiz.

Heto ang eksaktong narinig naming tsikahan, ”huy, alam mo ba, si Kristine pala ang Dyesebel? ‘Di ba parang ang tanda na niya?

Sabi naman ng kausap, ”oo nga, eh, pero aminin mo, may asim pa ang lola mo at ang fez, aminin, ganda talaga, maamo, eh, ‘di ba ang Dyesebel ganoon, parang si Alice Dixson lang dati?”

Sundot naman ng isa pang kausap, ”in fairness, bagay naman talaga kay Tin (palayaw ni Kristine) ang Dyesebel, ang tanong, hindi kaya maging sakit ng ulo na naman siya, remember ‘yung huling serye niya? Naloka ang lahat.”

At sabay-sabay nag-apir ang tatlong nagtsitsikahan at sabay sabing, ”ayaw ng ‘Prinsesa ng Banyera’, ha, ha, ha.”

Bigla tuloy naming naalala ang panghapong programang Prinsesa ng Banyera ni Kristine kasama sina Angelika de la Cruz, Ara Mina, at Andi Eigenmann na Andrea pa ang gamit na pangalan that time. Sa nasabing serye rin nag-umpisa ang relasyon nina Tin at Oyo Boy Sotto na asawa na niya ngayon.

Samantala, tinanong namin ang publicist ng Dreamscape Entertainment na si Erick John Salut,”naku, wala po talaga akong idea. Top management level po ang nakaaalam,” mabilis na sabi sa amin.

Hmm, magandang pahulaan nga ito kung sino ang gaganap na Dyesebel sa 2014, ikaw Ateng Maricris, pabor ka bang si Kristine ang gumanap? (Pwede naman! Ang tanong, papayagan ba siya ni Oyo?!)
Reggee Bonoan

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *