Tuesday , September 29 2020
Breaking News
You are here: Home / Sports / Ildefonso nakatakdang maging free agent

Ildefonso nakatakdang maging free agent

DAHIL hindi pa binibigyan ng bagong kontrata ng Petron Blaze SI Danny Ildefonso, nakatakda siyang maging free agent sa ilalim ng bagong patakaran ng PBA.

Ngunit kung si Ildefonso ang tatanungin, nais niyang makalaro uli sa Blaze Boosters kahit isang komperensiya lang bago siya tuluyang lumipat sa ibang koponan o mag-retiro.

”Gusto ko lang naman malaman kung may chance pa ako ma-lineup sa Petron,” wika ni Ildefonso sa panayam ng www.spin.ph. “Kung wala naman na talaga, eh magpapasalamat na lang kami sa kanila, kasi gusto naman namin ng maayos na pagpapaalam.”

Sa ngayon ay naghihintay si Ildefonso ng pagkakataong makipag-usap sa pinuno ng San Miguel Corporation na si Ramon S. Ang tungkol sa kanyang problema.

“Maglalaro naman ako kung saan nila ako ilalagay,” ani Ildefonso na nagsabi ring puwede niyang puntahan ang ibang mga koponan ng SMC tulad ng Barangay Ginebra San Miguel at San Mig Coffee.

Isa pang opsyon para kay Ildefonso ay maglaro sa Meralco dahil matagal niyang nagkasama ang assistant coach ng Bolts na si Jong Uichico na dating humawak sa kanya sa San Miguel Beer.

Inamin ni Ildefonso na may alok din siya mula sa Talk ‘n Text upang makasama niya uli ang dating kakamping si Danny Seigle.

Samantala, isang source ang nagsabing ilalagay ni TNT coach Norman Black si Ali Peek sa reserve list para makapasok si Seigle sa lineup.

Binanggit ng source na may pilay si Peek ngunit hindi siya nagbigay ng iba pang mga detalye.

(James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top