Saturday , August 24 2019
Breaking News
You are here: Home / News / Trailer truck hinaydyak ng driver, pahinante

Trailer truck hinaydyak ng driver, pahinante

NAKITANG abandonado ang isang trailer truck at wala na ang tinatayang daan libong ha-laga ng sigarilyo matapos i-hijack ng sariling driver at pahinante sa Caloocan City kahapon ng umaga.

Kasalukuyang pinaghahanap ang driver ng truck na kinilalang si Jesel Bernalis at ang hindi pa nakikilalang pahinante.

Batay sa ulat ni SPO1 Marlon Adriano, dakong 5:30 a.m. nang matagpuan ang abandonadong truck sa C-3 Road, Brgy. 126 ng nasabing lungsod.

Sa salaysay ng mga barangay tanod, napansin nila ang trailer truck (TXM-499) na may tatak na D. Fracisco Trucking, na umaandar ngunit wala namang tao.

Agad nilang ipinagbigay-alam sa mga awtoridad at nang buksan ang likuran ng truck ay nawawala na ang mga kargamento at wala na rin ang driver at pahinante nito.

Nabatid na galing sa pier ang trailer truck at nakatakdang i-deliver ang mga sigarilyo sa Marikina ngunit hindi ito nakarating doon.

Hindi na rin makontak ang cellphone ng driver kaya’t hinihinalang sangkot ang mga suspek sa nasabing nakawan.

(ROMMEL SALES)

About hataw tabloid

Leave a Reply

Your email address will not be published. Required fields are marked *

*

Scroll To Top