Sunday , September 20 2020
Breaking News
You are here: Home / Showbiz / La Greta, handang tumestigo laban kay Claudine

La Greta, handang tumestigo laban kay Claudine

NARITO na pala sa Pilipinas si Gretchen Barretto at marami pa siyang pasabog kay Claudine Barretto. Kinikimkim lang niya at itinatago.

Pero buong ningning na sinabi ni Gretchen na ready siyang tumestigo ‘pag ipatatawag siya ng korte laban kay Claudine. Handa raw siyang mag-testify para kay Raymart Santiago. Wala raw siyang takot na ilahad ang katotohanan.

Jenny, inaming may mood swing si Claudine

NAKATSIKAHAN naming si Jenny Miller kamakailan. Si Jenny ay matalik na kaibigan ni Claudine Barretto simula nang magsama sila sa isang serye. Naging bridesmaid pa nga siya sa kasal nina Claudine at Raymart Santiago sa Tagaytay. Naging ninong at ninang naman ni Jenny ang mag-asawa nang ikasal siya.

Kumare at kumpare din niya ang mag-asawa.

Pero nakakapagtaka na last year pa raw na hindi sila nagkakausap ni Claudine.

“Hindi ko alam kung ano ang nangyari. Basta wala, walang communication. Hindi kasi ako yung tipo ng friend na ‘yung ipiprisinta ang sarili,” matipid na pahayag ni Jenny.

May something na nangyari sa friendship nila?

“Mayroon din, pero hindi na kailangang i-elaborate pa. I mean, normal naman na nangyayari sa kaibigan ‘yun, ‘di ba,” pag-amin ng aktres.

Hindi  niya alam kung may tampo si Claudine sa kanya dahil masaya pa ang huling pagkikita nila last year. Basta nandiyan lang daw siya para sa aktres. Pero ayaw daw niyang ma-involve sa gulo ng pamilya dahil kaibigan din niya ang mga kapatid ni  Claudine, love niya ang mga pamangkin nito gaya nina Julia at okey naman sila ni Raymart.

Na-encounter din ba niya ang pagiging sumpungin ni Claudine?

”Mahirap… mahirap ‘yung mood swing. Kaya kailangan, kapag kasama mo siya, titimplahin mo. Pero napakisamahan ko naman. Nakaya ko naman for, like, 10 years,” deklara niya.

Hindi naman daw siya napagod kay Claudine pero may priorities na siya ngayon sa buhay dahil may asawa na rin siya.

Basata mahal daw niya si Claudine bilang isang kaibigan.
Roldan Castro

About hataw tabloid

Leave a Reply

Your email address will not be published. Required fields are marked *

*

Scroll To Top