Monday , September 28 2020
Breaking News
You are here: Home / Sports / Seigle ‘di muna lalaro sa TNT

Seigle ‘di muna lalaro sa TNT

KAHIT pumirma na ng kontrata si Danny Seigle para sa Talk ‘n Text, hindi muna siya lalaro para sa Tropang Texters kontra  Alaska Milk mamaya sa PBA MyDSL Philippine Cup.

Sinabi ni coach Norman Black na kailangan munang masanay si Seigle sa sistema ng bago niyang koponan lalo na’t kahapon lang siya nagsimulang mag-ensayo.

Nakuha ng Texters si Seigle pagkatapos na hindi siya binigyan ng bagong kontrata ng Barako Bull at siya’y naging free agent.

“Danny S is a great pick-up for us,” wika ni Black. “It’s really hard to pass up a player like him.”

Idinagdag ni Black na kailangan niyang maglagay ng isang Fil-Am sa reserve list para maipasok niya si Seigle.

Sa ilalim ng patakaran ng PBA, limang Fil-Am lang bawat koponan ang puwedeng ilagay sa lineup.

Mga ibang Fil-Ams sa TNT sina Jimmy Alapag, Ali Peek, Harvey Carey, Sean Anthony at Kelly Williams.

May pilay pa rin si Rob Reyes ngunit inaasahang lalaro na siya anumang araw mula ngayon.

Inaasahang papalitan ni Seigle si Ranidel de Ocampo na may pilay din sa kanyang paa.

“I’ve been continuously working out. It’s another opportunity to prove to myself that I can still be competitive in this league. I’m excited for the challenge,” ani Seigle na ilang taong naglaro sa San Miguel Beer at naging Rookie of the Year ng PBA noong 1999.

(James Ty III)

About hataw tabloid

Leave a Reply

Your email address will not be published. Required fields are marked *

*

Scroll To Top