Friday , October 2 2020
Breaking News
You are here: Home / News / Arum sa BIR: ‘Wag gipitin si Pacquiao

Arum sa BIR: ‘Wag gipitin si Pacquiao

HINIMOK ng Top Rank Promotions ang Bureau of Internal Revenue (BIR) ng Filipinas na sa Internal Revenue Services (IRS) ng Estados Unidos humiling ng kopya ng sertipikasyon sa pagbabayad ng buwis ni Manny Pacquiao sa kanyang mga laban noong 2008 at 2009.

Pinayuhan pa ni Bob Arum, CEO ng Top Rank na siyang humahawak sa mga laban ni Pacquiao, ang BIR na atasan ang Philippine Embassy sa US para kumuha ng tax certiification sa IRS.

Sinabi ni Arum na huwag sisihin ng BIR si Pacquiao dahil walang magagawa ang boksingero para pilitin ang IRS na agad mag-isyu ng katibayan sa binayarang buwis sa Federal government.

Ayon kay Arum, hindi sila nagkulang sa pagbabayad ng buwis sa bawat laban ni Pacquiao at matagal na rin silang nag-request ng tax receipt.

Kasabay nito, inihayag ni Bob Arum na ‘unfair’ ang aniya’y panggigipit ng BIR kay Pacman na isang model citizen, nagdadala ng karangalan sa bansa at laging tumutulong sa mga nangangailangang kababayan lalo sa panahon ng kalamidad.

Una nang nagsumite ng dokumento ang Top Rank bilang patunay sa binayarang buwis ni Pacquiao ngunit hindi ito kinikilala ng BIR at ang gusto nila ay ang kopya mula sa IRS.

About hataw tabloid

Leave a Reply

Your email address will not be published. Required fields are marked *

*

Scroll To Top