Friday , September 18 2020
Breaking News
You are here: Home / Showbiz / Willie, inirereklamo, pangakong suweldo kahit walang show ‘di tinupad

Willie, inirereklamo, pangakong suweldo kahit walang show ‘di tinupad

MAY mga nag-text sa amin mula sa mga rating staff ng show ni Willie Revillame na Wowowillie na tsugi na saTV5 dahil ang pangakong tuloy-tuloy pa rin ang suweldo nila maski na wala na ang programa ay hindi naman daw tinupad ng nasabing TV host.

Ilang beses daw itong sinasabi ni Willie sa ere noong umeere pa ang programa niya at maging sa mga panayam nito sa pahayagan ay ito rin ang laman pero bakit hindi naman daw tinupad?

Umaasa kay Willie ang maliliit na empleado niya tulad ng utility na naging loyalista sa kanya, wardrobe/labandera at iba pa.

“Okay lang ang mga dancer, host, make-up artist, may mga raket namang makukuha ‘yan, eh, kaming maliliit na tao?  Hindi naman kami puwedeng pumasok na sa ibang show kasi buo na ang tao roon, may mga sarili ng team.

“ At saka sariling tao ni Willie kasi mga bitbit niya kaya noong nawala siya, walang sumalo kaya gutom kami,”paliwanag sa amin.

Tinext naman namin ang ibang kakilala naming co-host ni Willie sa programa niya tungkol sa pangako nitong tuloy-tuloy ang suweldo maski na wala na sila, “ay wala po,” tipid na sagot sa amin.

Pero may nagsabi naman na, “ang alam ko, binayaran sila (utility etc) hanggang ngayo ng December,  hindi kolang alam kung natuloy.”

Eh, malamang hindi natuloy kasi bakit nagrereklamo ngayon itong mga dating naninilbihan kay Willie?
Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top