Friday , September 25 2020
Breaking News
You are here: Home / Showbiz / Gaganap na Dyesebel, hinahanap pa

Gaganap na Dyesebel, hinahanap pa

KALIWA’T kanan ang natanggap naming mensahe noong Lunes ng gabi ng mabasa nila sa post ang, ‘abangan ang muling paglangoy niya’ na ang tinutukoy ay si Dyesebel.

Kaya naman tinawagan namin ang publicity head ng Dreamscape Unit na si Eric John Salut kung sino ang gaganap na Dyesebel base sa post niya sa Instagram.

“Ay wala pa, may audition wala pa, pero ito ang biggest project for 2014, parang ‘Juan de la Cruz’ ang dating, kaya pinaghahandaan na,” paliwanag sa amin.

Ito halos ang pahayag sa amin ng isa pang TV executive na wala pa rin daw gaganap na Dyesebel.

“Wala pa talaga, kasi lahat ‘yan dadaan sa audition, sikat o hindi, pero kung ako ang tatanungin, dapat fresh hindi ‘yung sikat na para bago naman, kaso kung bago, baka naman hindi pansinin, well depende siguro, bakit naman ‘yung ‘Aryana’, hindi naman sikat ‘yung gumanap, pero naka-ilang season, ‘di ba?

“Pero kasi, malaking pangalan ang Dyesebel, so siguro medyo sikat ang kukunin pero as of now, wala pa talaga, pinaiingay lang,” pagtatapat sa amin.

Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top