Wednesday , September 30 2020
Breaking News
You are here: Home / News / Minahan sa Rapu-Rapu sumabog ( 2 patay, 2 kritikal )

Minahan sa Rapu-Rapu sumabog ( 2 patay, 2 kritikal )

112613_FRONT

LEGAZPI CITY – Dalawa ang naitalang patay habang dalawa pa ang kritikal sa pagsabog sa isang minahan sa Brgy. Bagawbawan sa islang bayan ng Rapu-rapu, Albay.

Kinilala ang mga biktimang sina Antonio Grageda at Jerson Dela Cruz, 33, agad na binawian ng buhay sa insidente.

Kritikal naman ang dalawang iba pa sa ospital na kinilalang sina Boyon Moises, 43, at Christian Santillan, 31, mula sa Isla Batan.

Ayon kay Senior Insp. Arthur Gomez, tagapagsalita ng Police Regional Office V, naging pahirapan ang pagsagip sa mga minero maging ang pagpapaabot ng impormasyon dahil sa kawalan ng signal sa lugar.

Sa inisyal na imbestigasyon, isang malakas na pagsabog lamang ang narinig mula sa mining site na matagal na rin na binabalik-balikan ng mga residente.

Inaalam pa ng mga awtoridad kung may naiwan pang mga minero sa loob ng minahan na maaaring mameligro pa sa posibleng pagguho ng lupa bunsod ng pagsabog.

ni JETHRO SINOCRUZ

About hataw tabloid

Leave a Reply

Your email address will not be published. Required fields are marked *

*

Scroll To Top