Monday , September 28 2020
Breaking News
You are here: Home / Showbiz / Andrea, binu-bully ng mga kasamahan sa Goin’ Bulilit (Kaya grabeng iyak nang tanggapin ang Best Child Actress award)

Andrea, binu-bully ng mga kasamahan sa Goin’ Bulilit (Kaya grabeng iyak nang tanggapin ang Best Child Actress award)

ISA kami sa natuwa sa pagkapanalo ni Andrea Brillantes bilang Best Child Actress sa nakaraang PMPC Star Awards para sa seryeng Annaliza noong Linggo ng gabi na ginanap sa AFP Theater dahil deserving talaga siya.

Matagal na naming nabanggit ito sa mga katoto na mahusay si Andrea at darating ang araw na sisikat nang husto ang bagets.

Samantala, kuwento ng mga katoto at ng ilang nakapanood ng awards night na nagulat sila sa acceptance speech ni Andrea dahil umiiyak siya.

Nabanggit daw ng batang aktres na sobra-sobrang pasalamat niya sa PMPC Star Awards dahil naniniwala sila sa kakayahan niya. Marami raw kasi ang hindi naniniwala sa kanya lalo na ang mga kasamahan niya.

Ipinagtanong namin kung ano ang pinagdaraanan ni Andrea at nalaman namin na binu-bully pala siya ng mga kasamahan niya sa Goin’ Bulilit.

Ay, true-to-life ang papel ni Andrea sa Annaliza?

“”Yung mga nanay kasi ng mga bagets sa ‘Goin’ Bulilit’, kanya-kanyang bidahan ng mga anak, eh, hayun nahahawa mga anak at dahil mabait si Andrea, isa siya sa biktima ng pambu-bully,” kuwento sa amin ng nakaaalam kung bakit napaiyak ang bagets.

Hmm, dapat siguro imbestigahan ito ng bossing ng Goin’ Bulilit dahil hindi maganda ito baka magkaroon ng trauma ang mga bata.

At ang mga nanay naman ng mga bagets sa Goin’ Bulilit, huwag na kayong makigulo dahil hindi maganda ‘yan para sa mga anak ninyo.
Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top