HATAW! D'yaryo ng Bayan hatawtabloid.com
MARAMI ang naiingit sa big break na ibinigay ng GMA kina Kristoffer Martin at Julie Ann San Jose dahil bida na sila sa isang teleserye.
Matindi ang casting na isinuporta sa dalawa. Lalo na si Kristofer na planong i-build up bilang dramatic young actor. Malaking suporta ang aktres na si Rita Avila, ang nawawalang ina ng bagets, at hindi inaasahang magkita sa bahay pa ng nililigawang si Julie Ann.
Lumalaban ang bagets sa acting ni Rita. Knowing Rita, wala siyang pakialam, kahit tuloy-tuloy ang pag-agos ng luha. Hindi siya katulad ng ibang aktres na-pa-beauty habang umiiyak.
Maganda ring kombinasyon, dahil ka-kontra ni Rita si Eula Valdez, na nakaengkuwentro na n’ya saABS-CBN.
Magaling si Kristofer, malalim umakting. Mata lamang niya ang pinagagalaw habang nag-eemote.
Rocco, pinasisikat din ng GMA
MAHIRAP ang role ni Rocco Nacino sa isang serye sa GMA.
Imagine, bida na, kontrabida pa bilang lover boy nina Lovi Poe at Charee Pineda. Matagal na sanang nabigyan ng break noon si Rocco, pero feeling daw niya, ngayon pa lamang ang takdang panahon.
Pinasisikat din si Rocco ng GMA dahil magaganda ang mga ibinibigay nilang project dito.
Tiyak na lalo pang pag-uusapan ang actor dahil sa pagbibida sa Indi film na Pedro Calungsod.
Teka akala namin si AJ Muhlach, utol ni Aga Muhlach ang napili para sa proyektong ito? May potential din kasi ang utol ni Aga. Problema, wala namang project na naibibigay sa kanya ang TV5. Sayang, marami pa namang fans si AJ.
***
Personal….Gumaganda ang Baliuag, Bulacan today sa pamumuno ng bagong Mayor Dra. Carol Dellosa. May kahilingan lang po kami kay Mayor, sana po magkaroon ng newstand ng dyaryo, na puwedeng mabilhan anytime. Malaking tulong po ito para sa mga Baliwagenios.
Vir Gonzales
