Sunday , September 20 2020
Breaking News
You are here: Home / News / Kasambahay grabe sa boga ng selosong manliligaw

Kasambahay grabe sa boga ng selosong manliligaw

KRITIKAL ang kalagayan ng isang kasambahay matapos  barilin ng sinabing nagselos na  manlililigaw  habang naglalakad kasama ang inakalang boyfriend ng una sa Caloocan City kamakalawa ng gabi .

Patuloy na inoobserbahan sa East Avenue Medical Center (EAMC) ang biktimang si Sara Jane Mabunga, nasa hustong gulang, residente  ng Norzagaray, Bulacan sanhi ng isang tama ng bala ng hindi nabatid na kalibre ng baril sa tiyan.

Pinaghahanap ng pulisya ang nakatakas na suspek na kinilalang ‘selosong manliligaw’ ng biktima na si Rogelio Balbin, 42-anyos, ng Saint Joseph St., Brgy. 187, Tala Estate.

Sa ulat ni P/ Supt. Ferdinand del Rosario, naganap ang insidente dakong 10:00 ng gabi  malapit sa nasabing barangay.

Kasama umano ng biktima ang isang ‘Henson Agustin’ habang naglalakad sa nasabing lugar nang salubungin ng suspek saka biglang binaril si Mabunga.

Nabatid na matagal nang nanliligaw si Balbin kay Mabunga pero hindi siya pinapansin hanggang makita na may kasamang ibang lalaki na ipinagselos ng suspek hanggang nauwi sa pamamaril. (rommel sales)

About hataw tabloid

Leave a Reply

Your email address will not be published. Required fields are marked *

*

Scroll To Top