Friday , October 2 2020
Breaking News
You are here: Home / Showbiz / Korina, mapapanood na uli sa TV Patrol!

Korina, mapapanood na uli sa TV Patrol!

SIGURO’Y matatapos na ang espekulasyon ng marami na sinuspinde ng ABS-CBN2 ang veteran broadcaster na si Korina Sanchez. Mismong si Korina na kasi ang nagsabing anytime ay babalik na siya sa TV Patrol at mapapanood sa Rated K. Minsan na rin namin siyang narinig sa kanyang kanyang radio program sa DZMM, ang Rated Korina.

Lumabas ang haka-hakang sinuspinde o pinagbakasyon si Korina matapos bigyang kulay ang sinabi nito ukol kay CNN reporter Anderson Cooper.

Ayon mismo kay Korina sa interview sa kanya ni Jasmin Romero kamakailan, walang katotohanan ang mga lumalabas na balita. Na siyang tunay din naman dahil hanggang ngayon, wala pang statement na ipinalalabas ang Kapamilya Network. Kaya negative ang balitang suspended o pinagbakasyon si Korina.

Ang totoo, kaya wala si Korina sa kanyang mga show ay dahil gumagawa ito ng special report para sa kanyang Rated K show at ito’y matutunghayan daw ngayong Linggo.

“Matagal na kasing naka-schedule ang ‘Rated K’ sa pag-iikot sa mga nasalanta ng iba’t ibang delubyo, so ito’y trabaho,” paglilinaw ni Korina.

Aniya pa, ipakikita nila sa kanyang show ang mga pinuntahan nilang lugar sa Western Visayas tulad ng Bohol, Ormoc, Capiz, Iloilo, gayundin ang Palawan.

“So, tatapusin ko lang ito, babalik ako riyan! Inaayos ko lang ito for airing namin, para sa darating na Sunday,” giit pa ni Korina.

Ayon naman sa isang mapagkakatiwalaang source, anytime now ay mapapanood na rin si Korina sa TV Patrol (baka nga habang isinusulat namin ito ay mapanood na si Korina) kaya abangan ang kanyang pagbabalik-pagbabalita.

Maricris Valdez Nicasio

About hataw tabloid

Leave a Reply

Your email address will not be published. Required fields are marked *

*

Scroll To Top