Wednesday , September 30 2020
Breaking News
You are here: Home / News / 7 anak, misis ini-hostage mister arestado

7 anak, misis ini-hostage mister arestado

LEGAZPI CITY – Bunsod ng problema sa pamilya, ini-hostage ng isang lalaki ang kanyang pitong mga anak at kanyang misis sa Naga City kahapon.

Tatlong oras na naki-pagnegosasyon ang mga tauhan ng Naga City PNP at mga barangay officials para mapasuko si Jonesto Estipani sa Brgy. Concepcion Pequina.

Ayon kay Naga City Police chief, Senior Supt Jose Capinpin, bigla na lamang nagwala ang suspek at ikinulong ang kanyang pitong mga anak at ang kanyang misis.

Anya, ini-lock pa ni Estipani ang lahat ng mga bintana at pintuan para huwag makalabas ang kanyang mga anak na ang pinakapanganay ay nasa edad 11-anyos.

Ilang beses tinutukan ng kutsilyo ng suspek ang mga anak at misis para tumahimik at makinig lamang sa kanyang mga hinanakit.

Eksaktong 11:15 a.m. nang tuluyang makalusot ang mga awtoridad sa likod bahay hanggang  tuluyang maaresto ang suspek.

Wala namang napa-ulat na nasugatan sa mga anak at misis na ngayon ay nasa pangangalaga na ng DSWD.

(BETH JULIAN/JETHRO SINOCRUZ)

About hataw tabloid

Leave a Reply

Your email address will not be published. Required fields are marked *

*

Scroll To Top