Friday , March 29 2024

Allan K, isa sa special guests ni Michael Pangilinan sa 18MPH sa Zirkoh

TUWANG-TUWA si katotong Jobert Sucaldito sa ipinakitang suporta ng versatile na comedian/TV host na si Allan K sa gaganaping show ni Michael Pangilinan sa Zirkoh Comedy Bar sa Nov. 26 na pinamagatang 18MPH.

Likas talaga ang pagiging matulungin ni Allan K, kaya naman lalong humahataw ang kanyang career at patuloy sa pagdating ng mga blessings para sa isa sa hosts ng top rating at institusyong TV show na Eat Bulaga.

Incidentally, totoo kaya ang nababalitaan namin na malapit nang bumalik si Wally Bayola sa EB? Matapos kasi ang eskandalong nasuungan ng isa sa paborito naming komedyante, nagbakasyon muna pansamantla si Wally. Kung totoo nga ang tsikang ito, welcome back Wally. Everybody deserves a second chance, ‘ika nga at hindi ito dapat ipagkait sa isang talented na comedian na tulad ni Wally.

Anyway, back to Allan K, sa gesture na ito ni Allan ay nasabi na lang ni Jobert sa kanyang Facebook na, “Nakakatuwa, ‘di ba? Someone of his level offered na mag-guest sa show for free. So, nadagdagan na ang guests natin – lalong bumongga!”

Dagdag pa ni Jobert, “Buti na lang kamo, na-move ang flight ni Allan K for his Norway show – instead of November 26, sa November 28 na siya lilipad. Yeheyyyy! Thanks kafatid na Allan K – kaya ka pinagpapala eh, kasi mapagbigay ka.”

Ukol naman kay Michael, sa show niyang ito ay muling magpapakitang gilas ang singer na binabansagan ngayon bilang Bagong Kilabot ng mga Kolehiyala. Balita namin ay malakas ang benta ng self-titled album ni Michael under Star Records na naglalaman ng mga kantang Bakit Ba Ikaw at Ang Saksi Ko na parehong katha ng henyong kompositor na si Vehnee Saturno. Nasa album din ang Dance With My Father, Kung Sakali na originally ay kanta ni Pabs Dadivas, at iba pa.

Ang show na ito sa Nov. 26, Tuesday sa Zirkoh Morato ay bahagi ng celebration ng birthday ng promising na singer/recording artist na si Michael. Bukod kay Allan K, kabilang sa special guest ni Michael sina Luke Mejares, Jimmy Bondoc, and Duncan Ramos. Nandiyan din sina Carlo Aquino, Prima Diva Billy, Inang Willy Jones, Miss Tres, AJ Tamisa, Chazz, at Gladys Guevarra. Kaya gabi ito ng matinding kantahan at katatawanan na hindi dapat palagpasin.

Honesto,  inilalampaso ang katapat sa GMA-7

NAKAKAALIW ang TV series na Honesto ng ABS CBN na pinagbibidahan ng baguhang child star na si Raikko Mateo. Actually, madalang akong manood ng TV sa primetime dahil oras iyon ng deadline ko, pero nasilip ko lang one time ang mga tsikiting ko na nanonood ng Honesto. Mula noon, napadalas na ang panonood ko ng seryeng ito ng Dos.

Bukod kasi sa nakakatuwa ang kuwento, may mga aral na mapupulot sa TV series na ito. Kaya hindi nakapagtataka kung hindi lang mga bata ang nawiwili sa panonood ng Honesto, na pati may edad na o matatanda na ay tumututok sa TV series na ito.

Nang tignan ko ang ratings, talagang astig pala ang seryeng Honesto dahil nangunguna ito sa mga primetime drama series.

Sa Kantar Media/TNS ay laging nangunguna ang Honesto at pinapakain nito ng alikabok ang katapat na show mula GMA-7. Last Nov. 18, nakakuha ang Honesto ng 27.9 % rating kontra sa Adarna ng Siyete na 14.2 % lamang.

Nauna rito, noong Nov. 14 ay humataw sa 30.5 % ang rating ng Honesto kontra sa 13.5 % ng Genesis mula GMA-7. Samantalang Noong Nov. 15 ay 28.6 % ang Honesto laban sa 13.5 % ng Genesis.

Kahit sa datos ng AGB Nielsen Mega Manila noong Nov. 5, ang Honesto ay nagtala ng rating na 23.3 % kompara sa Genesis na 17.1% lamang. At noon namang Nov. 6, panalo ulit ang Honesto sa rating na 24.8 % na as usual ay inilampaso ang Genesis ng Siyete na may rating lang na 17.9 %.

Suwerte talaga ang Dos sa mga child star ngayon. Matapos mag-click sina Zaijian Jaranilla at Xyriel Manabat, nakatuklas na naman sila ng gold mine sa katauhan ni Raikko Mateo.

Nonie V. Nicasio

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *