Tuesday , September 29 2020
Breaking News
You are here: Home / News / 65-anyos Australiano nahulog sa hagdan, patay

65-anyos Australiano nahulog sa hagdan, patay

PATAY ang isang 65-anyos Australian national makaraan mahulog sa hagdan ng kanilang bahay sa Muntinlupa City kahapon ng madaling araw.

Kinilala ang biktimang si Konrad Reghberger, 65, na hindi na naisugod sa pagamutan makaraang ideklara ng mga rumespondeng tauhan ng Muntinlupa Rescue Team na hindi na humihinga,  dakong 1:20 ng madaling araw, nang matagpuang duguan sa paanan ng hagdanan sa 14 Main Drive, Mintcor Town Homes, Barangay Cupang.

Ani Muntinlupa police chief S/Supt. Roque Eduardo Vega, nakita ang duguang katawan ng biktima ng kanyang common-law-wife na si Flordeliza Villarama-Reghberger, 63.

Sa ulat, biglang nagising ang ginang nang makarinig ng kalabog at nagulat na lamang si Flordeliza nang makita ang ka-live-in na nakahandusay sa paanan ng hagdan kaya’t agad niyang ipinaalam ang pangyayari sa mga security guard na tumawag sa Rescue Team.

Ani SPO1 Richard Bagoyo, imbestigador, hihintayin nila ang resulta ng awtopsiya ni Reghberger. (JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top