Tuesday , September 29 2020
Breaking News
You are here: Home / News / Sinto-sinto patay sa tarak (Abswelto sa asunto)

Sinto-sinto patay sa tarak (Abswelto sa asunto)

HINIHINALANG paghihiganti ang motibo sa pagpaslang ng hindi pa kilalang suspek sa 34-anyos lalaki na may kapansanan sa pag-iisip habang nakatayo sa harap ng kanilang bahay sa Pasay City kahapon ng madaling araw.

Ito ang hinala ng pamilya ng biktimang si Rosendo Dionio, Jr., residente sa Blk 79, Lot 26, 12th  & 21st Street, Brgy. Villamor, sa motibo ng pamamaslang nang matagpuan na iniwan pa ang patalim sa likod ng katawan ng biktima.

Sa imbestigasyon nina SPO1 Cris Gabutin at PO3 Giovanni Arcinue ng Station Investigation and Detective Management Section (SIDMS), dakong 4:25 ng madaling araw, natuklasan ng kapatid na si Rolly Dionio, 36, ang bangkay ng biktima na nakasubsob sa harapan ng pintuan ng kanilang bahay.

Sa pahayag ni Rolly, posibleng may kinalaman sa pagpatay ang ginawang pagpasok ng kanyang kapatid sa isang bahay sa kanilang lugar na nakainom at nakahubo’t hubad  noong nakaraang taon.

Dahil sa naturang insidente, naghain ng reklamo ang magulang ng 14-anyos na dalagita laban sa kanyang kapatid sa tanggapan ng Women and Children’s Protection Desk (WCPD) ng Pasay police ngunit hindi umakyat sa korte ang kaso matapos mapatunayan na may kapansanan sa pag-iisip si Rosendo, Jr.

(JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top