Tuesday , September 29 2020
Breaking News
You are here: Home / News / Nigerian nilimas ng holdaper

Nigerian nilimas ng holdaper

ISANG 24-anyos Nigerian national ang hinoldap sa isang pampasaherong jeep ng dalawang armadong lalaki sa Pasay City kahapon ng madaling araw.

Nakulimbat sa biktimang si Chibuzor Maduforo, 24, ng 20 Sesame St., Amado Tapuc, Dagupan, Pangasinan, ang kanyang cell phone na nagkakahalaga ng P5,000, US$1,800 at Alien Student Card.

Sa reklamo ng biktima sa pulisya, dalawa pang pasahero ng jeepney ang nabiktima ng mga suspek ngunit  hindi na naghain ng reklamo.

Sa imbestigasyon ni PO2 Catalino Gazmen, Jr., ng Station Investigation and Detective Management Section ng Pasay police, pasado alas 3:00 ng madaling araw nang maganap ang panghoholdap sa kahabaan ng EDSA bago sumapit sa Magallanes Interchange.

Nagsagawa ng follow-up operation ang mga tauhan ng Police Community Precinct (PCP-7) ng Pasay police pero bigo silang masakote ang mga suspek.

(JAJA GARCIA)

About hataw tabloid

Leave a Reply

Your email address will not be published. Required fields are marked *

*

Scroll To Top