Wednesday , September 30 2020
Breaking News
You are here: Home / News / Mason dedo sa koryente

Mason dedo sa koryente

 
PATAY ang isang 49-anyos mason nang mahawakan ang isang live wire habang nagtatrabaho  sa ginagawang gusali sa Tondo, Maynila kamakalawa ng gabi.

Binawian ng buhay sa Tondo Medical Center ang biktimang si Mariano Tamidles, may-asawa, empleyado ng ITP Construction Corporation, residente ng 44 Sampaguita St., Happy Land, Tondo.

Sa imbestigasyon ni PO3 Marlon San Pedro ng Manila Police District (MPD) – Homicide Section, dakong 7:00 ng gabi nang naganap ang insidente sa hallway sa 4th floor ng Building 12 Paradise Heights, Permanent Housing, Rodriguez St., Balut, Tondo.

Kasalukuyang nagsesemento ang biktima sa naturang palapag  ng ginagawang gusali nang ‘di sinasadyang nahawakan ang live wire na kanyang ikinakisay.

Isinugod si Tamidles sa ospital ngunit namatay habang ginagamot ng mga doktor.

Ayon kay San Pedro, ‘malinis’ na ang lugar at mukhang inayos na ng mga trabahador ang pinangyarihan ng insidente nang dumating ang mga imbestigador.

Ayon kay Bernalyn Daban, 20, anak ng biktima, wala silang planong magsampa ng reklamo sa kompanyang pinapasukan ng kanilang ama. (leonard basilio)

About hataw tabloid

Leave a Reply

Your email address will not be published. Required fields are marked *

*

Scroll To Top