Thursday , October 1 2020
Breaking News
You are here: Home / News / Lolo patay nang iwan ng ‘Daisy’ sa motel

Lolo patay nang iwan ng ‘Daisy’ sa motel

Pinaghahanap  ngayon ng pulisya ang isang ‘daisy’ na kasama ng isang negosyante na natagpuang patay sa loob ng isang motel sa Pasig City kahapon ng hapon.

Kinilala ni Pasig City chief of Police P/Sr. Supt. Mario Rariza ang biktimang si Ricardo Guillermo Hipolito Graza, 61, may asawa, negosyante, residente ng #29 Sta. Catalina St., Doña Juana, Brgy. Holy Spirit, Quezon City.

Inilarawan ang babaeng kasama ni Graza nasa 18 hanggang 20-anyos, maganda ang pangangatawan, mahaba ang buhok at maputi ang balat.

Sa ulat, nadiskubre ang bangkay ng biktima dakong 3:30 ng hapon sa room 406 ng Woodstock Inn, nasa  #828 Marcos Highway, Brgy. Santolan.

Ayon sa roomboy na si  Conrado Mesina, dakong 1:11 nang pumasok sa kanilang establisyemento ang puting Honda CRV, may plakang XLP-704 sakay ang biktima at ang hindi pa nakikilalang babae.

Makalipas ang ilang oras ay nakita nilang lumabas ang babae at nagmamadaling sumakay sa jeep na biyaheng Cainta, Rizal.

Tinangka nilang habulin ang babae pero hindi inabutan kaya’t agad  nilang tinawagan sa telepono ang pinanggalingang kuwarto ng babae pero walang sumasagot dahilan para puwersahang buksan ito.

Tumambad sa mga empleyado ng motel ang hubad na bangkay ng biktima malapit sa comport room at mayroong nakadagan na unan sa kanyang ulo.

Isang masusing imbestigasyon ang isinasagawa ng pulisya para matukoy ang babaeng kasama ng biktima.

(MIKKO BAYLON)

About hataw tabloid

Leave a Reply

Your email address will not be published. Required fields are marked *

*

Scroll To Top