Sunday , September 27 2020
Breaking News
You are here: Home / Showbiz / Julia at Ejay, may kahilingan ngayong Pasko

Julia at Ejay, may kahilingan ngayong Pasko

MAGTATAMBAL sa kauna-unahang pagkakataon sina Julia Montes at Ejay Falconpara sa panimulang handog ngayong gabi sa Wansapanataym Christmas Special.

Sa episode na pinamagatang The Christmas Visitor, bibigyang buhay ni Julia ang karakter ni Maria na anak ng isang mayamang negosyante na iibig sa janitor na si Joey na gagampanan naman ni Ejay.

Dahil sa kagustuhang makuha ang loob ng ama ni Maria, hihilingin ni Joey sa isang mahiwagang parol na magkaroon siya ng sapat na gamit at masasarap na pagkain sa araw ng pagbisita ng pamilya ng babaeng pinakamamahal niya.

Ngunit nang pagbigyan ang kanyang kahilingan, susubukin ang kabutihang-loob ni Joey nang hingan siya ng tulong ng mga taong mas nangangailangan.

Paano matututuhan ni Joey na mas matimbang ang pagkakaroon ng busilak na puso kaysa pag-aari ng kahit na anong materyal na bagay sa mundo?

Makakasama nina Julia at Ejay sa The Christmas Visitor episode sina Tirso Cruz III, Janice Hung, at Perla Bautista mula sa panulat ni Noreen Capili at direksiyon ni Jon ‘Spongky’ Villarin.

Huwag palampasin ang pagsisimula ng Wansapanataym Christmas Special sa storybook ng batang Pinoy, ngayong Sabado, 6:45 p.m..
Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top