Friday , March 29 2024

Akusadong mister nag-suicide sa justice hall (Suspek sa pagpatay ng sariling misis)

BABASAHAN na sana ng sakdal sa prosecutors office ang isang 44-anyos mister, na nahaharap sa kasong pagpatay sa sariling asawa  nang tumalon mula sa ikatlong palapag ng Hall of Justice na  sa Las Piñas City, kahapon.

Kinilala ni Las Piñas police  chief  Sr/Supt.  Adolfo Samala, Jr., ang biktimang si Siegfred Cabunoc, ng Blk 11-A, Lot 7 Onyx St., Pilar Village na namatay noon din dahil sa pagkabasag ng bungo nang bumagsak sa baldosa, una ang ulo.

Sa inisyal na  ulat ni Chief Insp. Joel Gomez sa tanggapan ni Samala, ihahatid ni PO2 Al Sharrif Uy ng Investigation Division  si  Cabunoc  upang ma-inquest dakong 2:30 ng hapon, nang biglang magpipiglas pagdating sa ikatlong palapag ng gusali at agad tumalon una ang ulo.

Ani Chief Insp. Gomez, inaresto nila si Cabunoc noong Nobyembre 13, Miyerkoles, makaraan lumutang ang mga testigo na nagtuturo na siya ang pumatay sa asawang si Daisy Cabunoc, 54, noong nakaraang linggo.

Natagpuan ang bangkay ni Daisy, Nobyembre 11, sa bakanteng lote sa Manuyo I, tadtad ng saksak sa iba’t ibang parte ng katawan.

Ang bangkay ng ginang ay kinilala nang makita ng kanyang kapatid na si Gladys San Jose sa morgue noong Miyerkoles.

Kinilala rin ng suspek ang bangkay ng asawa at walang nagawa si Cabunoc nang arestohin ng pulisya matapos ituro ng apat na testigo.

(JAJA GARCIA)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *