Thursday , November 26 2020
Breaking News
You are here: Home / Showbiz / Pictorial ni Marian sa GSM, mas sexier at bolder

Pictorial ni Marian sa GSM, mas sexier at bolder

KINUHA muli ng Ginebra San Miguel bilang 2014 calendar girl si Marian Rivera pagkalipas ng limang taon at sa press launch ay ipinakita rin sa entertainment press ang tatlong sexy photos ng aktres na gagamitin sa calendar na ire-release para sa 180th anniversary ng nasabing inumin.

Mapangahas ang nasabing pictorial ni Marian dahil sexier, bolder, at daring para sa bagong kalendaryo na hindi tulad noong nauna siyang kunin—2009, na medyo conservative pa.

Samantala, pagkatapos ng Q and A ay napag-usapan ang ibang isyu na intriga sa boyfriend niya sa pagkakapili bilang  NCAA (National Commission for the Culture and the Arts) Youth Ambassador.

Kinukuwestiyon daw kung bakit daw ang aktor ang napili.

“Hindi ko rin alam kung nasa posisyon ako para sagutin ang mga ‘yan pero nagtitiwala ako na inilagay ang bawa artista o nakaposisyon diyan dahil may kinalaman sila riyan at dahil alam nila na makatutulong. At imbes na husgahan natin sila, suportahan na lang natin sila,” katwiran ng aktres.

Napunta rin ang usapan na mas kumita raw ang pelikula ni Dingdong  Dantes sa Star Cinema naShe’s The One kasama si Bea Alonzo kompara sa pelikula nila ni Ai Ai de las Alas na Kung Fu Divas.

“Okay lang, ganoon talaga ang buhay. Hindi naman sa lahat ng pagkakataon, eh kailangang blockbuster ka.

“Ang importante eh masaya kami ni ate Ai-ai, kami ng mga direktor kung anuman ang income at may mga taga-ibang bansa na gustong kunin ang pelikula namin at aaminin ko na kumita kami, hindi nga lang ganoon kalaki,” pag-amin ng dalaga.

Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top