Wednesday , September 23 2020
Breaking News
You are here: Home / Showbiz / Mag-inang Daniel, laging bukas-palad sa mga nangangailangan

Mag-inang Daniel, laging bukas-palad sa mga nangangailangan

BILIB kami sa mag-inang Karla Estrada at Daniel Padilla dahil pinakiusapan nila ang Kath Niel supporters na kung puwedeng mag-donate ng anumang bagay na puwedeng makatulong sa mga nabiktima ng bagyong Yolanda sa Visayas.

Taga-Tacloban, Leyte ang ina ng batang aktor kaya’t aligaga sa paghingi ng tulong para sa mga kababayan.

Hindi naman nabigo ang mag-inang Karla at Daniel dahil bumuhos ang tulong na ipinadala sa kanila, ang naging problema lang ay hindi madala ng aktres ang mga relief goods dahil sira-sira ang mga daan patungo sa bayan niya.

Parang bukas palad ang mag-ina pagdating sa mga taong nangangailangan at tanda naming kuwento ng common friend namin ni Karla na maski raw walang pera pa noon ang aktres ay nagagawa pa rin nitong mag-share ng anumang mayroon siya.

Marami namang nakararating na kuwento sa amin tungkol sa pagtulong na ginagawa ng mag-ina na hindi lang nasusulat kaya’t hindi kami magtataka kung sobrang blessed sila.

Kaya naman lahat ng project din ni Daniel ay parating wagi lalo na ang seryeng Got To Believe na nangunguna sa ratings game kasunod ng Honesto.

Reggee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top